நீங்கள் தேடியது "நீர்மட்டம் சரிவு"

மேட்டூர்:

மேட்டூர் அணைக்கு நேற்று 51 கன அடியாக இருந்த நீர்வரத்து இன்றும் அதே அளவில் வந்து கொண்டிருக்கிறது.

அணையில் இருந்து காவிரி ஆற்றில் குடிநீர் தேவைக்காக 1000 கன அடி தண்ணீர் திறந்து விடப்பட்டு வருகிறது. அணையில் இருந்து திறந்து விடப்படும் தண்ணீரை விட அணைக்கு வரும் தண்ணீர் மிக குறைவாக உள்ளதால் அணையின் நீர்மட்டம் சரிந்து வருகிறது.

நேற்று 51.62 அடியாக இருந்த மேட்டூர் அணையின் நீர்மட்டம் இன்று மேலும் சரிந்து 51.47 அடியாக இருந்தது. இனி வரும் நாட்களில் இதே நிலை நீடித்தால் மேட்டூர் அணை நீர்மட்டம் மேலும் வேகமாக சரிய வாய்ப்பு உள்ளது.  #MetturDam

கூடலூர்:

தென்மேற்கு பருவமழை கைகொடுத்த நிலையில் வைகை, முல்லைபெரியாறு அணை நீர்மட்டம் உயர்ந்தது. ஆனால் வடகிழக்கு பருவமழை ஏமாற்றியதால் அணைகளுக்கு நீர்வரத்து குறைந்து நீர்மட்டமும் சரிய தொடங்கியுள்ளது.

தற்போது பனியின் தாக்கம் அதிகரித்து வருவதால் மழை பெய்வதற்கான வாய்ப்பு இல்லை.

கூடலூர், கம்பம், லோயர்கேம்ப் உள்ளிட்ட இடங்களில் பனிப்பொழிவு அதிகரித்துள்ளதால் காலை 10 மணிவரை வெளியேற பொதுமக்கள் தயங்கி வருகின்றனர். மேலும் மழை இல்லாததால் முல்லைபெரியாறு அணைக்கு 132கனஅடி நீரே வருகிறது. இதனால் அணையின் நீர்மட்டம் 122.25 அடியாக குறைந்துள்ளது.

900கனஅடி நீர் திறக்கப்படுகிறது. 2-ம் போக சாகுபடிக்கு பாதிப்பு ஏற்படும் என்பதால் நீர்திறப்பை குறைக்கவேண்டும் என விவசாயிகள் வலியுறுத்தினர். இருந்தபோதும் தண்ணீர் திறக்கப்பட்டு வருகிறது.

வைகை அணையின் நீர்மட்டம் 56.25 அடியாக உள்ளது. 630 கனஅடிநீர் வருகிறது. மதுரைமாநகர குடிநீருக்காக 60 கனஅடிநீர் திறக்கப்படுகிறது. மஞ்சளாறு அணையின் நீர்மட்டம் 46.40 அடியாக உள்ளது. வரத்து இல்லாத நிலையில் 80 கனஅடிநீர் திறக்கப்படுகிறது.

சோத்துப்பாறை அணையின் நீர்மட்டம் 111.68 அடியாக உள்ளது. 9 கனஅடிநீர் வருகிறது. 27 கனஅடிநீர் திறக்கப்படுகிறது. மழை எங்கும் இல்லை. #MullaperiyarDam

சேலம்:

காவிரி நீர்பிடிப்பு பகுதிகளில் பெய்த மழையால் மேட்டூர் அணைக்கு தொடர்ந்து தண்ணீர் வந்து கொண்டிருக்கிறது.

நேற்று 1092 கன அடியாக இருந்த நீர்வரத்து இன்று மேலும் சரிந்து 1000 கன அடியாக வந்து கொண்டிருக்கிறது.

அணையில் இருந்து டெல்டா பாசனத்திற்கு காவிரி ஆற்றில் 16 ஆயிரத்து 500 கன அடி தண்ணீரும், கால்வாய் பாசனத்திற்கு 600 கன அடி தண்ணீரும் திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து பல மடங்கு அதிகமாக தண்ணீர் திறந்து விடப்படுவதால் அணையின் நீர்மட்டம் வேகமாக சரிந்து வருகிறது.

கடந்த 15-ந் தேதி 100 அடியாக இருந்த மேட்டூர் அணை நீர்மட்டம் படிப்படியாக சரிந்து நேற்று 96.56 அடியானது. இன்று மேலும் ஒரு அடிக்கும் மேல் சரிந்து 95.42 அடியானது.

இதனால் கடந்த 5 நாட்களில் மட்டும் மேட்டூர் அணை நீர்மட்டம் 4.58 சரிந்துள்ளது குறிப்பிடத்தக்கது. இதே நிலை நீடித்தால் இனி வரும் நாட்களில் மேட்டூர் அணை நீர்மட்டம் மேலும் வேகமாக சரிய வாய்ப்புள்ளது. #MetturDam

சேலம்:

கர்நாடாகா மற்றும் கேரளாவில் காவிரி நீர்ப் பிடிப்பு பகுதிகளில் கடந்த ஜூலை மாதம் பெய்த கன மழையால் அதே மாதம் 17-ந் தேதி மேட்டூர் அணை நீர்மட்டம் 100 அடியை தாண்டியது.

19-ந் தேதி மேட்டூர் அணையில் இருந்து காவிரி டெல்டா பாசனத்திற்காக காவிரி ஆற்றில் தண்ணீர் திறந்து விடப்பட்டது. அப்போது நீர்வரத்து அதிகரித்ததால் 27-ந் தேதி மேட்டூர் அணை நிரம்பியது. மேலும் தொடர்ந்து நீர்வரத்து அதிகரித்ததால் நடப்பாண்டில் 4 முறை அணை நிரம்பியது.

கடந்த 62 நாட்களாக மேட்டூர் அணையின் நீர்மட்டம் 100 அடிக்கும் குறையாமல் உள்ளது. ஏற்கனவே கடந்த 2005-ம் ஆண்டு ஆகஸ்டு 3-ந் தேதி முதல் 2006-ம் ஆண்டு அக்டோபர் 6-ந் தேதி வரை தொடர்ந்து 428 நாட்கள் மேட்டூர் அணையின் நீர்மட்டம் 100 அடிக்கும் குறையாமல் இருந்தது குறிப்பிடத்தக்கது.

மேட்டூர் அணைக்கு நேற்று 9 ஆயிரத்து 119 கன அடியாக இருந்த நீர்வரத்து இன்று காலை 9 அயிரத்து 96 கன அடியாக வந்து கொண்டிருக்கிறது. அணையில் இருந்து காவிரி டெல்டா பாசனத்திக்கு காவிரி ஆற்றில் 22 ஆயிரம் கன அடி தண்ணீரும், 800 கன அடி கால்வாய் பாசனத்திற்கும் திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து கூடுதல் தண்ணீர் திறந்து விடப்படுவதால் அணையின் நீர்மட்டம் நாள் ஒன்றுக்கு சுமார் ஒரு அடி வீதம் சரிந்து வருகிறது.

கடந்த 10-ந் தேதி 118.38 அடியாக இருந்த மேட்டூர் அணையின் நீர்மட்டம் படிப்படியாக சரிந்து இன்று காலை 109.73 அடியாக இருந்தது. இதனால் கடந்த 10 நாட்களில் நீர்மட்டம் 9 அடி சரிந்துள்ளது குறிப்பிடத்தக்கது.